Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Разделы сайта

Главная

Новости

22.01.2019

Адзіны дзень інфармавання прайшоў на Бярэзіншчыне

Вялікія справы Года малой радзімы або знакавыя падзеі 2018 года. Першы сёлета Дзень інфармавання насельніцтва быў прысвечаны гэтай тэме, пра што ішла размова ў час сустрэчы інфармацыйна-прапагандысцкай групы на чале з першым намеснікам старшыні райвыканкама, начальнікам упраўлення па сельскай гаспадарцы і харчаванні  А.М. Шыфрыным з калектывам ДУА “Сярэдняя школа №2 г. Беразіно”.

Па вялікім рахунку, Год малой радзімы ўвасобіў у сябе шматграннасць падзей і мерапрыемстваў, спраў і асоб. Пра гэта ў час сустрэчы расказала намеснік начальніка аддзела ідэалагічнай работы, культуры і па справах моладзі райвыканкама В.В. Карэцкая, адзначыўшы асноўныя накірункі дзейнасці. Першы з іх – ажыццяўленне мэтанакіраванай прапаганды зберажэння і памнажэння нацыянальнага духоўна-культурнага набытку, гістарычнай спадчыны, прыродных багаццяў краіны, самабытных традыцый. Магутным патэнцыялам матэрыяльных і духоўных каштоўнасцей валодае цэнтральная, Мінская вобласць. Культурная  спадчына вобласці матэрыялізавана ў 664 нерухомых аб’ектах, у тым ліку 100 з іх у Бярэзінскім раёне. Штогод на тэрыторыі вобласці праводзіцца больш за 40 мерапрыемстваў па розных відах мастацтва і народнай творчасці, пяць з іх з’яўляюцца брэндамі Міншчыны. Брэнды Бярэзіншчыны – фестываль “Бярэзінскія лыжкары”, абрад “Цягнуць Каляду на дуба”.

Не менш важны накірунак работы – навядзенне парадку на зямлі і добраўпарадкаванне населеных пунктаў. Ва ўсіх рэгіёнах праводзяцца суботнікі і экалагічныя акцыі, у належным парадку падтрымліваюцца мемарыяльныя комплексы, месцы воінскай і баявой славы, пахаванні Вялікай Айчыннай вайны. Забяспечаны актыўны ўдзел у глабальнай экалагічнай кампаніі “Уладкуем малую радзіму”, у акцыях “Тыдзень лесу” і “Чысты лес”, іншых мерапрыемствах.

Папулярызацыя спорту, турызму і актыўнага ладу жыцця – яшчэ адзін напрамак. Актуальным застаецца развіццё аграэкатурызму, у тым ліку развіваецца рэлігійны турызм: паломніцкі і экскурсійна-пазнавальны. Распрацавана ў вобласці больш за 200 турыстычных маршрутаў, звязаных з беларускімі праваслаўнымі святынямі. У Бярэзінскім раёне ўсё большую папулярнасць набываюць крыніцы і купель у вёсцы Крупа.

Адна з галоўных мэт Года малой радзімы – стварэнне максімальна камфортных умоў для пражывання.

Шматграннасць тэмы малой радзімы пацвердзілі і пытанні да членаў інфармацыйна-прапагандысцкай групы. Першае з іх – прывядзенне ў парадак Дома графа Патоцкага. На дадзены момант, як адказала начальнік упраўлення па адукацыі, спорце і турызме райвыканкама А.А. Цітова, вядзецца пошук інвестара. І ўжо ёсць жадаючыя, галоўная ўмова для якіх – захаванне гістарычнай значнасці помніка.

Узнімаліся пытанні расчысткі дарог ад снегу і больш глабальныя — рамонту дарог: у прыватнасці, на дарозе з Марціянаўкі ў бок Котава застаўся незаасфальтаваным невялікі ўчастак. У горадзе па вуліцы Мультана прасілі зрабіць больш прыкметным пешаходны пераход, а па вуліцы М. Рамановіч абазначыць яшчэ адзін. Уладкавання і асвятлення патрабуе ўчастак дарогі ад ЖКГ па вуліцы Прамысловай да Мінскай. Як запэўніў дырэктар РКУВП “Бярэзінская ЖКГ” Д.І. Вабішчэвіч, на названым участку сёлета будзе новае асвятленне. У гэтым годзе мяркуецца пабудаваць станцыю другога пад’ёму вады і станцыю абезжалезьвання – гэта адказ на пытанне аб паляпшэнні якасці вады.

Ішла размова і пра адпачынак моладзі. Дарэчы, у СШ №2 г. Беразіно знаходзяць новыя формы работы з вучнямі сваёй школы і прапануюць цікавы занятак для іншых. Тут шмат гадоў дзейнічае інтэлектуальны клуб “Што? Дзе? Калі?”, члены якога прымаюць актыўны ўдзел у разнастайных турнірах і фестывалях. Для пашырэння руху ўзяліся за добрую справу наладжвання рэгіянальнага  турніру на базе Бярэзінскага раёна пад назвай “Лыжка Цмока”. Аднак для гэтага неабходна далучаць да інтэлектуальнага руху іншых маладых людзей горада і раёна. Вядома, такая ініцыятыва не можа застацца без падтрымкі.

Дарэчы, не засталося без увагі ні адно пытанне, узнятае ў калектыве школы мінулай вясной падчас яе наведання ІПГ на чале са старшынёй райвыканкама А.М. Бабічавым. Як падкрэслівала дырэктар школы С.В. Абрамовіч, усе яны былі вырашаны хутка, а некаторыя нават у той жа дзень або назаўтра – спілавана аварыйнае дрэва, уладкаваны аўтобусны прыпынак, у актавую залу школы набыты новыя крэслы…

Гэта па сутнасці працяг наступнай тэмы студзеньскага Адзінага дня інфармавання – аб арганізацыі работы са зваротамі грамадзян і юрыдычных асоб у Мінскай вобласці, з інфармацыяй па якой выступіла намеснік начальніка аддзела па рабоце са зваротамі грамадзян і юрыдычных асоб райвыканкама Л.У. Лукашэвіч.

Вынікі сустрэчы падвёў А.М. Шыфрын.