На гэты раз “проціпажарнай” камандзе гасцінна расчыніла свае дзверы Бярэзінская спецыялізаваная дзіцяча-юнацкая школа алімпійскага рэзерву. Работы хапіла ўсім – і інспектару прапаганды, і юным ратавальнікам  з клуба “Сірэна”, і нават роставай ляльцы-ратавальніку. Усе  ўдзельнікі акцыі пайшлі дадому з карыснымі падарункамі, але ж атрымаць іх было не так проста: дарослыя з дзецьмі адказвалі на пытанні пра ўласную бяспеку, адшуквалі на малюнку небяспечныя сітуацыі  ў доме, выбіралі на картках сродкі пажаратушэння, расказвалі пра правілы эвакуацыі, малявалі. А яшчэ з задавальненнем фатаграфаваліся з роставай лялькай! За дзве гадзіны мерапрыемства ў акцыі прынялі ўдзел больш сотні бярэзінцаў. Акцыя працягваецца.