У Беразіно – менавіта так! У любы дзень дзверы адчыненыя для школьнікаў, якія жадаюць даведацца, як працуе служба ратавання. А яшчэ – засвоіць на практыцы спосабы аказання неадкладнай дапамогі, ліквідаваць узгаранне, сфатаграфавацца ля пажарнай машыны… А самае галоўнае – набыць карысныя веды, якіх многа не бывае!
Менавіта па такой праграме дзень адчыненых дзвярэй для школьнікаў ДУА “Сярэдняя школа №3 г.Беразіно” у рамках “Адзінага дня бяспекі” правялі бярэзінскія ратавальнікі. Цікава, што менавіта ў момант знаходжання дзяцей у цэнтры аператыўнага ўпраўлення на лінію 101 паступіў званок пра пажар у горадзе. На свае вачы дзеці пабачылі, як працуе дыспетчар і як у імгненне вока ратавальнікі апрануліся і вывелі баявую тэхніку з гаража. І гэта – бясспрэчна - найлепшая прафарыентацыя!
Прафілактычныя мерапрыемствы будуць працягвацца.