Вечарам 2 лістапада прайшоў канцэрт інструментальнага ансамбля педагогаў дзяржаўнай установы адукацыі ”Бярэзінская дзіцячая школа мастацтваў ”Арт-нюанс”. Ён стаў прыемным сюрпрызам і адкрыццём для бярэзінцаў, якія не паленаваліся памяняць у гэты лістападаўскі вечар утульныя канапы на раённы цэнтр культуры. Усе яны за дзве гадзіны канцэрта дакрануліся да ўнікальнага гучання жывой музыкі і арыгінальных стыляў выканання, пабачылі даўно вядомых выкладчыкаў школы ў новых творчых амплуа, лішні раз пераканаліся ў іх бясконцай таленавітасці і творчай фантазіі.