Открытый областной трунир по греко-римской борьбе на призы заслуженного тренера Республики Беларусь Е.Н. Журова
2-3 ноября
149 участников
команды из России: Светлогорск, Красные Баки
команда из Литвы
призовые места наших учащихся:
48 кг - Каныгин Максим - 3 место
51 кг - Уснич Иван - 3 место
60 кг - Горностай Иван - 3 место
60 кг - Хохлов Егор - 1 место
80 кг - Жуковский Давид - 2 место
80кг - Якуш Евгений - 3 место
110 кг - Минин Даниил - 2 место
110 кг - Кисилёв Дмитрий и Букатый Кирилл - 3 место
фотоотчет день 1
Заслужаны трэнер Рэспублікі Беларусь па грэка-рымскай барацьбе Яўген Мікалаевіч Жураў вядомы далёка за межамі Бярэзінскага раёна. Надоўга ўславілі яго трэнерскі талент і любоў да грэка-рымскай барацьбы навучэнцы раённай дзіцяча-юнацкай спартыўнай школы, сярод якіх прадстаўнічы атрад кандыдатаў у майстры спорту і майстроў спорту.
У гонар славутага спартыўнага настаўніка кожны год наладжваецца адкрыты абласны турнір па грэка-рымскай барацьбе на прызы заслужанага трэнера Рэспублікі Беларусь Я. М. Журава.
Цяпер спаборніцтвы праходзяць у спартыўнай зале раённай комплекснай спартыўнай дзіцяча-юнацкай школы алімпійскага рэзерву. Тут юных барцоў віталі і рабілі ім наказ не толькі паважаны бярэзінскі трэнер, але і намеснік старшыні райвыканкама Уладзімір Міхайлавіч Навіцкі і начальнік галоўнага ўпраўлення спорту і турызму Мінаблвыканкама Яўген Васільевіч Булойчык, дырэктар Плешчаніцкай дзяржаўнай абласной сярэдняй школы-вучылішча алімпійскага рэзерву Яраслаў Іванавіч Паповіч і начальнік упраўлення па адукацыі, спорце і турызме райвыканкама Алеся Аляксееўна Цітова.
Сёлета ўдзельнічалі ў турніры прадстаўнікі некалькіх школ алімпійскага рэзерву і спартсмены з Гомеля, Пухавічаў, Віцебска, Мінска, Магілёва, Мозыра, каманды Расіі і Латвіі.
Звыкла на турніры пануюць асаблівая атмасфера, здаровая канкурэнцыя і вялікае жаданне перамагчы. Узмацняе іх арганізацыя паядынкаў і падтрымка мноства балельшчыкаў. А пасля спаборніцтваў у кожнай вызначанай вагавой катэгорыі на цырымоніі ўзнагароджвання спартсмены атрымліваюць спецыяльныя прызы.
Па выніках спаборніцтваў у ліку лепшых у вагавой катэгорыі да 80 кілаграмаў сярод юнакоў 2003-2004 гадоў нараджэння быў названы Яўгеній Якушаў. Ён заняў трэцяе месца. Апрача яго, уславілі гонар роднай спартыўнай установы і яе былыя навучэнцы.Так, на першую прыступку п’едэстала сярод юнакоў 2000-2001 гадоў нараджэння ў вагавой катэгорыі да 60 кілаграмаў узняўся Ягор Хахлоў. Трэцімі ў сваіх узроставых групах і вагавых катэгорыях сталі Максім Каныгін і Іван Гарнастай. Другое месца заняў сярод юнакоў 1998-1999 гадоў нараджэння ў вагавой катэгорыі да 80 кілаграмаў Давід Жукоўскі.
— Турнір закончыўся, пераможцы названы, мяркую, ніхто з удзельнікаў не быў пакрыўджаны рашэннем, — гаворыць галоўны суддзя спаборніцтваў Міхаіл Іванавіч Фясун, – бо кожны з іх узбагаціў свой спартыўны вопыт, набраўся пазітыўных эмоцый, узяў на заметку нешта новае і патрэбнае для сябе, набыў новых сяброў і таварышаў і ўжо рыхтуецца да новага турніру.