Так, з урокамі бяспекі нас ужо віталі дзеці з Лешніцкага, Паплаўскага і Любушанскага  дзіцячых садкоў. Канечне, галоўная форма работы з такімі дзеткамі – гульня. Вельмі даспадобы ім прыходзяцца  загадкі, гульня з мячыкам, званок у службу ратавання. Рухомая гульня “Агонь-дым-вуліца” заўжды вызывае мноства эмоцый у дзетак, а ўручэнне падарункаў напрыканцы занятка – і ўвогуле быццам свята. “Ух ты!”, “Глядзі, што ў мяне!”  - чуецца з усіх бакоў.   Асабліва падабаюцца дашкалятам размалеўкі “Чароўная кніга” і “Пажарныя аўтамабілі”. Вучыць дзяцей з малых гадоў цаніць і берагчы здароўе і жыцце – галоўная мэта ратавальнікаў. Вучыць дзяцей кожны дзень і берагчы іх – да гэтага мы заклікаем і ўсіх дарослых.