На вуліцы лівень, хлюпота, халодна, цёмна – надвор’е не радуе. Але гэта не перашкода — у чарговы рэйд адпраўляецца аглядавая камісія, якая дзейнічае пры Паплаўскім сельскім Савеце. Амаль палову дня правяралі дамы жыхароў вёскі Жарамец. Зазірнулі да шматдзетных, “складаных” сем’яў, адзінокапражываючых, адзінокіх пажылых людзей, інвалідаў, дачнікаў, заўзятых выпівох… Галоўная мэта – прадухіліць няшчасныя выпадкі, захаваць здароўе і жыццё людзей.